Ya tenemos disponible o programa oficial d'o Simposio Internacional.
Cal estar muit atentas especialment a la presentación d'o libro: Fernando Ramallo, Estibaliz Amorrortu e Maite Puigdevall (eds.) (2019). Neohablantes de lenguas minorizadas en el Estado español. Madrid: Vervuert.
Por Aragón participaremos con as siguients ponencias:
a. Chabier Gimeno: Neoparlants d’aragonés como una oportunidat clau pa la revitalización d’una lengua en grieu periglo.
b. Anchel Reyes y Carmen Capdevila: Trobada – Vivir en aragonés: acercando a los neofablants y a los parlants nativos a través d’o turismo rural sostenible.
c. Natxo Sorolla: Approach to new speakers from longitudinal network analysis.
Seguntes avanzabanos en un post anterior, o Simposio se presenta con a siguient introducción:
A investigación recient mos aduyó a identificar a o neoparlant como un sucheto crucial en o present y en o futuro d'as lenguas minorizadas. En os zaguers anyos, l'interés por este sucheto propició un puyal de trobadas, congresos y publicacions que mos aduyan a comprender una parte d'a historia. Pero encara n'i hai mas. En o momento actual, ye menister reflexionar sobre os pasos necesarios pa que, dillá de l'impacto academico, podamos lograr una repercusión real y efectiva en a recuperación d'as lenguas minorizadas en as que as personas neoparlants suposan un motivo pa a esperanza.
Asinas, dende o proyecto d'investigación NEOS promovemos a celebración d'o simposio «De neoparlant potencial a parlant activa d'una lengua minorizada» mirando dos obchectivos principals: d'un costau, ubrir espacios pa ixa reflexión; d'atro costau, presentar os resultaus d'as investigacions mas recients.
O simposio se desenrollará en a Universidat de Vigo, os días 17 y 18 d'octubre de 2019.
Contaremos con a participación d'a Dra. Jacqueline Urla (University of Massachusetts Amherst) como conferenciant plenaria.
Pa cualsiquier consulta u propuesta: neos@uvigo.gal
Actividaz d'investigadors d'o Seminario Aragonés de Sociolingüistica en o proyecto d'investigación “El neohablante como sujeto social: el proceso de conversión linguística en Galicia, Euskadi, Aragón y País Valenciano” (FFI2016-76869-P): aquí y aquí.
